എ321 നിയോ വിമാനമാണ് സര്വീസിനുവേണ്ടി ഉപയോഗിക്കുക. ആഴ്ചയിൽ നാല് സർവീസുകൾ ഉണ്ടായിരിക്കും. 30,599 രൂപ മുതലാണ് ടിക്കറ്റ് ആരംഭിക്കുന്നത്. ദുബായ്, അബുദാബി, ഷാര്ജ, ദമാം, ജിദ്ദ, മസ്കറ്റ് എന്നിവിടങ്ങളിലേക്കാണ് ഇപ്പോൾ വിസതാരക്കായി സർവീസ് ഉള്ളത്. വിസ്താര എയര്ലൈന്സ് സര്വീസ് ആരംഭിക്കുന്ന 50-ാമത് വിമാനത്താവളമാണ് ദോഹ. ഡൽഹി, മുംബൈ എന്നിവിടങ്ങളില് നിന്ന് നേരിട്ടുള്ള വിമാന സര്വീസുകളാണിവ.
Also Read:
പ്രവാസിസംരംഭകര്ക്കായി നോര്ക്ക -കേരളാ ബാങ്ക് വായ്പ്പാമേള : ഡിസം. 14 ന് കോട്ടയത്ത്.
കോട്ടയം ജില്ലയിലെ പ്രവാസിസംരംഭകര്ക്കായി നോർക്ക റൂട്ട്സും കേരളബാങ്കും സംയുക്തമായി ഡിസംബര് 14 ന് വായ്പ്പാനിർണ്ണയ ക്യാമ്പ് സംഘടിപ്പിക്കുന്നു. കോട്ടയം ശാസ്ത്രി റോഡിലെ ദർശന ആഡിറ്റോറിയത്തിലാണ് ക്യാമ്പ്. നാട്ടില് തിരിച്ചെത്തിയ പ്രവാസികളുടെ പുനരധിവാസത്തിനായി സംസ്ഥാന സര്ക്കാര് നോര്ക്ക റൂട്ട്സ് വഴി നടപ്പിലാക്കുന്ന നോര്ക്ക ഡിപ്പാര്ട്മെന്റ് പ്രോജക്ട് ഫോര് റിട്ടേണ്ഡ് എമിഗ്രന്സ് അഥവ എന്.ഡി.പി.ആര്.ഇ.എം, പ്രവാസി ഭദ്രത പദ്ധതികള് പ്രകാരമാണ് വായ്പ്പാനിർണ്ണയ ക്യാമ്പ് സംഘടിപ്പിക്കുന്നത്.
പ്രവാസി പുനരധിവാസ പദ്ധതി പ്രകാരം കേരളബാങ്കുവഴി നോർക്ക റൂട്ട്സ് രണ്ടു പദ്ധതികൾ നടപ്പാക്കിവരുന്നു. എന്.ഡി.പി.ആര്.ഇ.എം പദ്ധതിയുടെ ഭാഗമായി പ്രവാസി കിരണും പ്രവാസി ഭദ്രതയും. പ്രവാസി കിരൺ പദ്ധതിയിൽ ഒരു ലക്ഷംരൂപ മുതൽ മുപ്പത് ലക്ഷം രൂപവരെയുള്ള സംരംഭക പദ്ധതിക്കാണ് വായ്പയ്ക്ക് അവസരമുളളത്. കൃത്യമായ വായ്പാ തിരിച്ചടവിന് 15%മൂലധന സബ്സിഡിയും (പരമാവധി മൂന്ന് ലക്ഷം രൂപവരെയും) മൂന്നു ശതമാനം പലിശസബ്സിഡിയും (4 വർഷവും) നൽകിവരുന്നു. ഒരു ലക്ഷം രൂപ മുതൽ അഞ്ചു ലക്ഷം രൂപ വരെയുള്ള പദ്ധതികള്ക്കാണ് പ്രവാസി ഭദ്രത വഴി അവസരമുളളത്.
സംശയങ്ങൾക്ക് നോർക്കറൂട്ട്സ് ഹെഡ്ഓഫീസ് തിരുവനന്തപുരം 0471 -2770511,7736917333 -കോട്ടയം നോർക്ക സെൽ നമ്പർ +91-8281004905 എന്നീ നമ്പറുകളില് (ഓഫീസ് സമയത്ത് പ്രവൃത്തിദിവസങ്ങളില്) ബന്ധപ്പെടാവുന്നതാണ്. അല്ലെങ്കില് 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള് സര്വ്വീസ്) ബന്ധപ്പെടാവുന്നതാണ്